Қазақстанның оңтүстігінде инженерлік-саперлер роталарының ауқымды жиыны өрістетілді (ФОТО)
АСТАНА. ҚазАқпарат - Қазақстан Аэроұтқыр әскерлеріне қарасты әскери бөлімдердің инженерлік-саперлер роталарының 400-ден астам әскери қызметшісі, саны 100 бірлікті құрайтын қару-жарақ пен әскери техника «Берег» полигонында далалық жиынға қатысу үшін жиналды, деп хабарлады ҚР Қорғаныс министрлігінің баспасөз қызметі.
«Жиын бір ай мерзімге созылады. Осы уақыт аралығында әскери қызметшілер далалық жағдайда әскери оқу-жаттығудың кәсіби тапсырмаларын орындауды өткізеді», - делінген хабарламада.
Полигонда инженерлер және саперлер шартты қарсыластың орналасуы мүмкін жерлерді зерттеуді және жарылғыш заттарды іздестіруді жүргізеді, миналық-жарылғыш бөгеттер мен су тоғаны арқылы 60 тоннаға дейін жүк көтеретін техниканы өткізуге арналған ауыр механикаландырылған көпірлер тұрғызады, өзендер мен көлдерде су миналарының бар-жоғын зерделейді.
Осындай далалық жиындар жауынгерлердің далалық машықтанған дағдысын арттыруға, жауынгерлік әзірлік қарқынын өсіруге, инженерлік-саперлер бөлімшелері мен есеп-топтарының өзара іс-қимылдарын нақты нығайтуға мүмкіндік береді.
Роталар мен взводтар командирлері үшін штаттық техниканы кеңінен қолдану арқылы жүктелген міндеттер өздерінің практикалық дағдыларын жетілдірудегі тамаша мүмкіндік болмақ.
