Қазан айында баспананы сату-сатып алу бойынша ең көп келісім Астана қаласында жасалды - Статистика агенттігі

ТАНА. 14 қараша. ҚазАқпарат /Гүлмира Алякпарова/ - 2011 жылдың қаңтар-қазанында тұрғын үйлерді сату-сатып алу бойынша Қазақстанда 129 867 мәміле жасалды. Бұл туралы бүгін өткен брифингте ҚР Статистика Агенттігінің төрағасы Әлихан Смайылов мәлім етті.

«Үстіміздегі жылдың қаңтар-қазанында тұрғын үйді сату-сатып алу мәмілелерінің саны 129 867-ні құрап, өткен жылдың тиісті кезеңімен салыстырғанда 13,7 пайызға өсті. Астанада тұрғын үй бойынша мәмілелердің саны 11,4 пайызға, Алматы қаласында 3,8 пайызға артты», - деді ол.

2011 жылдың нақты қазан айында баспананы сату және сатып алу бойынша жасалған келісімдердің саны 15 838-ді құрады. Бұл өткен жылдың сәйкес кезеңіне қарағанда 4,6 пайызға көп. Келісімдер ең көп жасалған өңірлердің алдыңғы бестігіне - Астана қаласы (1971 келісім), Шығыс Қазақстан облысы (1944), Алматы қаласы (1904), Қарағанды облысы (1810) және Алматы облысы (1341) еніп отыр. Жылжымалы мүліктің біршама тұрақты үрдісі Маңғыстау облысында (273 келісім) тіркелді.