ҚАЖК блогер Мейіржан Төребаевтың бостандыққа шығуына байланысты түсінік берді
АЛМАТЫ. KAZINFORM – Қаржы пирамидасын құру ісі бойынша бұрын сотталған блогер Мейіржан Төребаев жақында бостандыққа шықты.
Қылмыстық-атқару жүйесі комитетінің (ҚАЖК) баспасөз қызметі сотталушы сот тағайындаған жаза мерзімін толық өтеуіне байланысты босатылғанын мәлімдеді.
Бұған дейін Мейіржан Төребаев әлеуметтік желіде туған-туыстары мен жақындары оны қарсы алғаны түсірілген бейнежазбаны жариялаған болатын.
Еске салайық, 2023 жылы Алматыда Mudarabah Capital қаржы пирамидасын құру ісі бойынша сот үкімі шыққан болатын. Аталған іс бойынша вайнерлер Мейіржан Төребаев пен Мейірхан Шерниязов 5 жылға сотталды.
2024 жылы сот вайнер Мейіржан Төребаевтың мерзімінен бұрын босап шығу туралы өтінішін қанағаттандырмады. Кейін Павлодар облысының № 44 мекемесінде жазасын өтеп жүрген Мейіржан Төребаев пен Мейірхан Шерниязов кейін Алматыдағы колонияға ауыстырылды.
2025 жылдың шілде айында қаржы пирамидасына байланысты сотталған блогер Мейірхан Шерниязов бостандыққа шықты.
