Қазкоммерцбанк "Грантум" ЖЗҚ" АҚ-дағы өз үлесін ұлғайтты
АЛМАТЫ. Мамырдың 5-і. ҚазАқпарат /Ерлік Ержанұлы/ - Бүгін Алматыда Қазкоммерцбанк "Грантум" жинақтаушы зейнетақы қоры" АҚ-ның қосымша акциясын иеленгені туралы мәлімдеме таратты,
деп хабарлайды ҚазАқпарат.
Банк сатып алу құқы аясында қордың бұған дейін бөлінбеген 80 370 дана акциясын 80 миллион 370 мың теңгеге сатып алған. Олар сәуір айында 2 миллион 119 мың 630 акцияны немесе орналастырылғанның 96 пайызын иеленген еді. Сондай-ақ Директорлар кеңесі сәуірдің 21-інде қалған 80 370 акцияны әрқайсысын 1 мың теңгеден сатып алуға шешім қабылдаған болатын. Бұл тапсырма мамырдың 4-і күні толық көлемде жүзеге асырылды. Соның нәтижесінде қор капиталындағы банктің үлесі 80,01 пайыздан 80,52-ге дейін ұлғайды. Жалпы 2 миллион 200 мың дана қосымша акцияны шығару туралы шешім "Грантум" ЖЗҚ" АҚ-ы акционерлерінің ақпанның 11-інде болған жалпы жиналысында қабылданған. Ол қордың қаржылық тұрақтылығын арттыру мақсатында жасалды.
