Қазірдің өзінде 120-дан астам ұсыныс енгізілді – Аида Балаева Ұлттық құрылтайдың алғашқы қорытындысы жайында

АСТАНА. KAZINFORM – Мәдениет және ақпарат министрі Аида Балаева Ұлттық құрылтайдың 4-отырысы аясында алқалы жиынның бірінші жұмыс секцилары барысында айтылған ұсыныстарға қатысы мәліметтермен бөлісті.

Бурабайда Ұлттық құрылтайдың «Азаматтық қоғам» және «Мәдениет. Өнер. Руханият» секциялары аяқталды. Аида Балаеваның атап өтуінше, пікірталас алаңы қызу өтіп, қатысушылар түрлі мәселені көтерді.

- Ұлттық құрылтайдың секциялық алаңдары мен жалпы отырысында талқыланатын барлық ұсыныс міндетте түрде жүзеге асырылады. Сондықтан мәселені талқылап қана қоймай, оны жүзеге асыру бойынша нақты ұсыныс енгізу маңызды. Олардың белгілі бір салаға ықпал етері сөзсіз. Ұлттық құрылтайдың «Азаматтық қоғам» және «Мәдениет. Өнер. Руханият» атты екі секциясының қорытындысында Ұлттық құрылтай мүшелерінен 120-дан астам ұсыныс енгізілді. Ұлттық құрылтай мүшелері нақты бір секциямен шетлемейтіндігін, олардың барлыщқ секцияға қатысып, өз ұсысынтарын білдіре алатындығын атап өту маңызды, - деді министр.

Осы орайда ол «Мәдениет. Өнер. Руханият» секциясында өзеті мәселенің аз болмағанын жасырмады. 

- «Мәдениет. Өнер. Руханият» секциясына қатысты айтар болсақ, мәселенің кең ауқымы қозғалғаны сөзсіз: балаларға тәлім-тәрбие беру, қоғамдық мәдениетті қалыптастыру, кітап баспасы қызметін дамыту, сонымен қатар кино индустриясына қатысты өзекті аспектілер, дәстүрлі құндылықтары қалыптастыру әрі тасымалдылығын арттыру және басқа да мәселелер. Бұл мәселенің барлығы қызу реакция туындатқаны сөзсіз. Өйткені, әрбір қатысушы өз көзқарасын білдіруге тырысады. Ұлттық құрылтай мүшелерінің нақты ұсыныс беретіні қуантады және олардың көпшілігі алдағы уақытта қосымша талқыға түседі, - деді Аида Балаева.

Бұған дейін Бурабайда IV Ұлттық құрылтай басталғанын жазған едік.

Осы жиын аясында Ғылым және жоғары білім министрі Саясат Нұрбек Қазақстан тарихының жаңа академиялық басылымын әзірлеу жұмысының барысы жайында айтты.