Келешекте Алматының кейбір аудандарында көлік қозғалысы шектелуі мүмкін

АСТАНА. KAZINFORM — Премьер-министр Олжас Бектенов Мәжіліс депутаттарының сауалына жолдаған жауапта Алматы қаласының экологиялық жағдайын жақсарту шаралары туралы мәлімет ұсынды.

— Сарапшылардан құралған жұмыс тобы Экология кодексін басшылыққа ала отырып, ережелер жобасын әзірледі. Ол құжаттар өзге органдардың мақұлдауына жіберілді. Аталған ережелерде III және IV санаттағы қоршаған ортаға шығарынды тастайтын нысандарға арнайы экологиялық талап жүктеу көзделген. Сондай-ақ, жер үй иелерінің табиғат жалпы табиғат пайдалану мәселелерін реттеу, шығарындылар төмен аймақтарды енгізіп, оларда автомобиль көлігінің қозғалысын шектеу, сияқты ауаға тасталатын шығарындыларды азайту шаралары қарастырылған, — деп жазады Үкімет басшысы.

Аталған нормаларды іске асыру үшін Қоршаған ортаны ластаушы стационарлық және жылжымалы көздер тастайтын шығарындыларды реттеудің жол картасы әзірленеді.

Бұған дейін Алматыда бұзылатын алты базардың орнына не салынатыны айтылған еді.