ҚХЛ: «Барыс» көшбасшы командалардың қатарында

АСТАНА. ҚазАқпарат - Астаналық «Барыс» Құрлықтық хоккей лигасында (ҚХЛ) бірқатар көрсеткіштер бойынша көшбасшылықты сақтап қалды, деп хабарлайды Sports.kz.

Айталық, қазақстандық команда 38 матчтан кейін салған шайба (66, ЦСКА-да да солай) және айдында шабуыл жасау проценті бойынша (12,43%) көш бастап тұр.

Бұдан бөлек, астаналықтар толық емес құрамдағы ойын - 4×4 және 4×3 бойынша бірінші орын иеленген. Ойыншылардың жеке статистикасына назар аударсақ, қорғаушы Даррен Диц ерекше нәтиже көрсетіп отыр. Ол шабуылшы-қорғаушылар арасында, ассистент-қорғаушылар арасында көшбасшы атанып, снайпер-қорғаушылар тізімінде екінші орын иеленген.

Сондай-ақ, тиімділік көрсеткіші және шайба салу бойынша үздік хоккейшілер мен ассистенттердің үздік бестігіне кіреді. Оның есебінде 38 матчта 36 ұпай (11 шайба және 25 шайба беру) бар. 

Фото: www.hcbarys.kz