ҚХР банктерді қолдау үшін 70 млрд долларға мемлекеттік облигациялар шығарады

АСТАНА. KAZINFORM — Қытайдың Қаржы министрлігі ірі мемлекеттік коммерциялық банктерді қолдау үшін құны 500 млрд юань (шамамен 69,7 млрд доллар) болатын арнайы қазынашылық облигациялар шығарылатынын жариялады.

Ведомствоның мәлімдемесінде бұл шаралар төрт банкті қолдауға бағытталғаны атап өтілді: Қытай банкі, Қытайдың құрылыс банкі, Қытай коммуникациялар банкі және Қытайдың Пошта-жинақтаушы банкі. 

— Қазіргі уақытта Қытайдың ең ірі мемлекеттік коммерциялық банктерінде активтер сапасы тұрақты және ықтимал шығындарды жабу үшін жеткілікті қор бар, — деп хабарлады министрлік.

Бұдан басқа, бұл банктерге нақты экономикаға қызмет ететін негізгі күш ретіндегі рөлін жақсартуға көмектеседі деп күтіліп отыр. 

Еске сала кетсек, наурыз айының басында Қытай парламенті 14-ші бесжылдық жоспарын қабылдады. 

TikTok желісінің негізін қалаушы тағы да Қытайдың ең бай адамы болды.