Кикбоксинг чемпионатының жүлдегерлері республикалық біріншілікте Семейдің абыройын қорғайтын болады
СЕМЕЙ. Наурыздың 26-сы. ҚазАқпарат /Лина Славина/ - Батыс Қазақстанда өткен Кикбоксингтен республика чемпионатында өнер көрсеткен семейлік жас спортшылар жеті медальді қанжығаларына байлап қайтты,
деп хабарлайды ҚазАқпарат тілшісі. Семейлік кикбоксшылардың қоржыны 3 алтын, 3 күміс, бір қола медальмен толықты. Жарыс қорытындысы бойынша Семейдің құрама командасы жүлдегерлердің қатарына кіріп отыр және енді олар сәуір айының басында Қарағандыда өтетін ересектер біріншілігіне қатысады.
