Кім болса да, депутат болған адам ел үшін әділ еңбек етуі керек - Нұрлан Әлімжан
АСТАНА. ҚазАқпарат - «Нұр Отан» саяси партиясының кезектен тыс XVII съезінде бекітілген Мәжіліс депутаттығына үміткерлердің партиялық тізіміндегі әнші, актер Нұрлан Әлімжан тізімдегі алаштың аяулы азаматтары үшін тілекшімін дейді.
«Партиялық тізімге енуім - мен үшін жаңа белес. Егер де өтіп депутаттыққа өтіп жатсам, Елбасымыздың үлкен жоспарларын қазақтың бір азаматы ретінде жүзеге асыруға аянбай тер төгемін деген сенімдемін. Алдын ала ештеңе жоспарламаймын, өйткені, бұл - сайлау. Әлі ешкім ешқайда өткен жоқ. Сондықтан, тізімнің ішінде болғаныма да қуаныштымын», - дейді Н.Әлімжан.
Сондай-ақ әртіс: «Замандастарымның арасынан Геннадий, Илья, Серік депутаттыққа өтсе, қазақтың спортын аспандатар еді»,-дейді.
«Олар - қазақ спортын аспандатпаса, кем түсірмейтін азаматтар. Жалпы, тізімде алаштың талай аяулылары бар. Бәріне тілекшімін. Кім болса да, депутат болған соң ел үшін әділ еңбек етуі керек»,-деді Н.Әлімжан.
