Қырғызстан азаматтарына АҚШ-қа кіруге тыйым салынуы мүмкін
БІШКЕК. KAZINFORM – Дональд Трамп әкімшілігі тағы 36 елдің, соның ішінде Қырғызстан азаматтарының АҚШ-қа кіруіне шектеу қоюды қарастырып отыр. Бұл туралы Washington Post хабарлады.
Виза берілуіне тыйым салынуы немесе басқа шектеулерге ұшырауы мүмкін елдердің жаңа тізіміне Ангола, Антигуа және Барбуда, Бенин, Бутан, Буркина-Фасо, Кабо-Верде, Камбоджа, Камерун, Конго Демократиялық Республикасы, Джибути, Доминика, Эфиопия, Мысыр, Габон, Гамбия, Гана, Қырғызстан, Либерия, Малави, Мавритания, Нигер, Нигерия, Сент-Китс және Невис, Сент-Люсия, Сан-Томе және Принсипи, Сенегал, Оңтүстік Судан, Сирия, Танзания, Тонга, Тувалу, Уганда, Вануату, Замбия және Зимбабве кірді.
Құжатқа Мемлекеттік хатшы Марко Рубио қол қойып, 14 маусымда елдермен жұмыс істейтін америкалық дипломаттарға жіберілді. Онда аталған елдердің үкіметтеріне Мемлекеттік департамент белгілеген жаңа көрсеткіштер мен талаптарды орындау үшін 60 күн берілгені айтылған. Ішкі хатта Трамп әкімшілігі елдердің орындай алмағанын бағалаған әртүрлі көрсеткіштер анықталды.
Қырғыз Республикасының Сыртқы істер министрлігі АҚШ Елшілігінің Қырғыз Республикасындағы консулын АҚШ-тың бірқатар елдердің, соның ішінде Қырғыз Республикасының азаматтары үшін кіруге шектеулер енгізу мүмкіндігі туралы ресми түсініктемелер беруге шақырады.
— Қазіргі кезде АҚШ-та қауіпсіздікті қамтамасыз етуге және шетелдік азаматтардың кіруін реттеуге бағытталған миграциялық заңнаманы қайта қарау жалғасып отыр. Қазіргі сәтте америкалық тараптан Қырғыз Республикасының азаматтарына қатысты қандай да бір шектеулер енгізілгені туралы ресми ақпарат түскен жоқ. Сонымен бірге Қырғыз Республикасы үшін The Washington Post басылымында көрсетілгендей азаматтары шектеулерге ұшырауы мүмкін елдердің тізімі қандай критерийлер бойынша құрылатыны туралы түсініксіз күйде қалып отыр, — делінген ведомство хабарламасында.
Бұған дейін Қырғызстан заңсыз көші-қонға қарсы күресті күшейткенін жазған болатынбыз.
