Қырғызстандағы селден қаза тапқан бесінші адамның денесі Өзбекстаннан табылды

АСТАНА. KAZINFORM – Ошта сел алып кеткен бесінші азаматтың денесі бүгін Өзбекстанның Әндіжан қаласындағы каналдан табылды, деп хабарлайды Кабар ақпарат агенттігі.

Қырғызстан Республикасы Төтенше жағдайлар министрлігінің хабарлауынша, көрші елдің құтқарушылары қырғызстандық әріптестерінің өтініші бойынша іздеу жұмыстарын жүргізіп, 1985 жылы туған азаматша Б.А.-ның денесін тапты.

Қаза болған әйелді 14 шілдеде Оштың орталық базарынан сел ағызып әкеткен.

Еске сала кетейік, 14 шілдеде Қырғызстанның Ош облысында толассыз жауыннан кейін өзендер арнасынан шығып, Ош қаласы мен ауылдарда сел жүріп өткен болатын.