Қытай әлемдегі ең үлкен су электр станциясының құрылысын бастады

АСТАНА. KAZINFORM – Қытай билігі әлемдегі ең ірі су электр станциясына айналады деп күтілетін мега бөгет құрылысы жобасының басталғанын хабарлады, деп хабарлайды Kazinform South China Morning Post басылымына сілтеме жасап.

Басылымның хабарлауынша, бұл әлемдегі ең ірі жоба болмақ. Оның жылдық қуаты 300 миллиард киловатт-сағат электр энергиясына бағаланады. Нақтырақ айтқанда, аталмыш нысан қазіргі уақытта әлемдегі ең ірі деп саналатын Санься (Үш шатқал) су электр станциясынан үш есе көп. Жалпы инвестиция көлемі 1,2 триллион юань (167,2 миллиард доллар) шамасында деп бағаланып отыр. 

Бейжің алдымен Тибет үстіртінің гидроэнергетикалық әлеуетін пайдалану жөніндегі кең стратегияның бір бөлігі ретінде 5 жылдық жоспарының бөлігі ретінде бөгетті 2020 жылы салу стратегиясын жариялады. Жоспар өткен жылдың желтоқсанында бекітілген. 

Ярлунг Цангпо өзенінің төменгі ағысында жүргізіліп жатқан ауқымды жоба Үндістан мен Бангладеште сумен қамтамасыз ету және қоршаған ортаға әсер ету туралы алаңдаушылық туғызды. Алайда Қытай бұл жобаның қатаң ғылыми сараптамадан өткенін және ағыстың төменгі жағындағы елдердің экологиялық ортасына, геологиялық тұрақтылығына немесе су құқығына кері әсер етпейтінін айтады. 

Қытай Сыртқы істер министрлігінің мәлімдеуінше, жоба табиғи апаттардың алдын алуға және оның салдарын азайтуға және ағыстың төменгі жағындағы аймақтардағы климаттың өзгеруіне бейімделуге көмектесуі мүмкін. 

Бұған дейін Қытай стратегиялық пайдалы қазбалар контрабандасымен күресті күшейтетінін жазған едік.