Қытай педиатрлары диагноз қою мен емдеу процесінде жасанды интеллектіні пайдаланады

АСТАНА. KAZINFORM - Бейжіңдегі Ұлттық балалар медициналық орталығы мен Балалар ауруханасының консультациялық орталығында жасанды интеллект педиатры жұмыс істейді. Бұл туралы «Халық Газеті» басылымы хабарлады.

Ол 13 педиатриялық сарапшымен бірге күрделі жағдайлар бойынша көпсалалы консультация жасаған.

Басылымның мәліметінше, бұл қытайдағы жасанды интеллектінің алғашқы педиатры. Ол күрделі және сирек кездесетін ауруларды диагностикалауға және емдеуге көмектеседі деп күтіліп отыр.

- Біз 8 жасар баланың денсаулық жағдайын тексердік. Ол үш апта бойы денесі тартылып, дірілдеген. Екі апта бұрын оның бас сүйегінің түбінен ісік байқалды. Оның себебі күрделі болғандықтан, әртүрлі аурухана әртүрлі диагноз бен емдеу амалдарын ұсынған. Бұл консультацияда жасанды интеллект педиатры және әртүрлі бөлімшелердің 13 танымал сарапшысы өте дәйекті ұсыныстар берді,- дейді Қытай Ұлттық Балалар медициналық орталығының директоры Ни Син.

Оның айтуынша, бұл жасанды интеллект педиатры Бейжің Балалар ауруханасы әзірлеп жатқан жасанды интеллект үлгісіндегі балалар денсаулығына арналған ауқымды өнімдердің бірі. Ол Бейжің балалар ауруханасының 300-ден астам танымал педиатриялық сарапшыларының клиникалық тәжірибесін және сарапшылардың ондаған жылдар бойы жоғары сапалы медициналық жазбаларын біріктіреді.

Осыған дейін Қытайдың астероидқа қарсы қорғаныс жүйесін құрғалы жатқанын жаздық.