10:09, 26 Сәуір 2024 | GMT +5
Қытай «Шэньчжоу-18» ғарыш кемесін ұшырды
АСТАНА. KAZINFORM – Қытай үш ғарышкерін орбиталық «Тяньгун» («Аспан сарайы») ғарыш станциясына алты айлық миссияға жіберу үшін «Шэньчжоу 18» басқарылатын ғарыш кемесін ұшырды. Бұл туралы Синьхуа ақпарат агенттігі хабарлады.
Ғарыш кемесі Қытайдың солтүстік-батысындағы Цзюцюань спутниктік ұшыру орталығынан «Чанчжэн-2°F» - Long March-2 °F зымыран тасығышының көмегімен ұшырылды.
Хабарланғандай, «Шэньчжоу-18» басқарылатын ғарыш миссиясының құрамында қытайлық ғарышкерлер Е Гуанфу, Ли Цун және Ли Гуансу болды. Ал Е Гуанфу экипаж командир болды.
