Қытай су тасқынынан зардап шеккен жолдарды қалпына келтіруге 70 млн юань бөлді
АСТАНА. KAZINFORM — Қытай билігі су тасқынынан зардап шеккен өңірлердегі жолдарды қалпына келтіруге 70 миллион юань қарастырды, деп хабарлайды Синьхуа.
Жұма күні Қытай үкіметі су тасқынынан зардап шеккен аймақтардағы жолдарды шұғыл қалпына келтіру жұмыстарына орталық үкімет бюджетінен 70 миллион юань (шамамен 9,81 миллион АҚШ доллары) бөлгенін мәлім етті.
Қаражат ҚХР Қаржы министрлігі мен Көлік министрлігі арқылы жеті провинциялық деңгейдегі өңірге бағытталды: Бейжің, тікелей орталыққа бағынатын Тяньцзинь қаласы, сондай-ақ Хэбэй, Шаньси, Цзилинь, Чжэцзян және Фуцзянь провинциялары.
Бұл қаржы көшкін салдарынан құлаған жарлар, қираған көпірлер мен су астында қалған жол учаскелерін жөндеуге бағытталады. Мақсат — халықтың өмірі мен мүлкінің қауіпсіздігін қамтамасыз ету.
Айта кетейік, осыдан бұрын Қытайдың солтүстік-батысындағы Ганьсу провинциясында тау тасқыны салдарынан 10 адам қаза тауып, 33 адам із-түзсіз жоғалып кетті.
