Қытай жерді қашықтан зондтайтын жаңа спутнигін ғарышқа ұшырды

АСТАНА. KAZINFORM — Дүйсенбі күні Қытайдың оңтүстігіндегі Хайнань аралдық провинциясындағы Вэньчан ғарыш айлағынан жаңа қашықтан зондтау спутнигі сәтті ұшырылды. Бұл туралы Синьхуа агенттігі жазды.

Жерді қашықтан зондтауға арналған «Яогань-46» спутнигін көкке көтерген «Чанчжэн-7» /Long March-7/ зымыран тасығышы Бейжің уақытымен 11:47-де ғарыш айлағынан ұшырылды. Спутник есептелген орбитаға сәтті шықты.

Спутник негізінен табиғи апаттардың алдын алу және залалын азайту, ұлттық жер ресурстарын зерттеу, сондай-ақ гидрология, метеорология және басқа да салалардағы зерттеулер үшін пайдаланылмақ.

«Чанчжэн» /«Ұлы жорық»/ сериясындағы зымыран тасығыштарының бұл 605-ші сапары екен.

Еске сала кетсек, бұған дейін ғарышқа 10 мыңнан астам Starlink спутниктері шығарылғанын жаздық.