Қытайлық қазақ файтер Road to UFC турнирінің финалына жолдама алды

АСТАНА. KAZINFORM — Қытайдағы қандасымыз Бақытбол Батырболат Шанхай қаласында өткен «Road to UFC» турнирінде екінші жекпе-жегін өткізді.

Sports.sina.cn сайтының хабарлауынша, үш раундқа созылған айқаста қандасымыз оңтүстіккореялық қарсыласы Ким Хан Сольді төрешілердің бірауыздан қабылдаған шешімімен 29-28 есебімен жеңіп, турнирдің финалына жолдама алған. 

Айта кетейік, Арыстан патша (Lion King) лақап атымен шаршы алаңда өнер көрсетіп жүрген Бақытбол турниріндегі дебютін 2023 жылы Оңтүстік Корея файтері Вон Бин Киға қарсы өткізіп, жеңіске жеткен болатын.

Road to UFC турнирі — Азия аймақтық іріктеу бәсекесі саналады.

Турнир жеңімпазы UFC-мен келісім жасасып, ауқымды жекпе-жектер өткізуге мүмкіндік алады.