«Қиын» жасөспірімдерге Астананың ұстау изоляторлары мен түрмелері көрсетілді

АСТАНА. 15 наурыз. ҚазАқпарат - Қалалық Ішкі істер департаментінде «қиын» балаларды тәрбиелеудің жаңа тәсілі табылды. Полиция қызметкерлері балалар ұстау изоляторлары мен түрмелерді көзімен көріп, тәртіп бұзудың қандай ауыр зардаптары болатынын түсінеді деп үміттенеді. Бұл туралы astana.kz хабарлайды.

Департаменттің баспасөз қызметінің мәліметінше, бүгінгі күні қаланың ІІД ювенальды полициясында профилактикалық есепте 400-ден астам жасөспірім тұрады.

Бүгін «Жасөспірім - Заң - Қауіпсіздік» акциясы аясында 14 пен 16 жас аралығындағы 100 жасөспірім уақытша ұстау изоляторында, әкімшілік қамауға алынған адамдарды арнайы қамау орны мен қабылдау-бөлу орындарында болды.

Экскурсия барысында полиция қызметкерлері балаларға Астана қаласы Ішкі істер департаменті арнайы мекемесінің кешені туралы, мұнда қандай қылықтары мен іс-әрекеттері үшін түсетінін әңгімеледі.

Арнайы ұстау орнында әкімшілік қамауға алынған адамдар отырады. «Жасөспірімдер жасалған ұсақ құқық бұзушылықтары үшін де бас бостандығынан айырылуы мүмкін екендіктерін білуі тиісті», - деп санайды ведомстводағылар.

Елорда полициясының бөлімшелеріне жасаған экскурсиядан басқа жасөспірімдер арнайы қызмет орындарының жұмысымен танысты. Балаларға ит үйрету қызметі орталығы үйретілген иттерінің іс-әрекеттері ұнады.