KLM әуе компаниясы БАӘ мен Сауд Арабиясына барлық рейстерді тоқтатты

Тасымалдаушының мәлімдемесінде атап өтілгендей, шешім өңірдегі қалыптасқан жағдайға байланысты қабылданған.

— Жолаушылар мен экипаждың қауіпсіздігі әрқашан біздің бірінші кезектегі міндетіміз. Біз бұл шешімнің саяхатшыларымызға айтарлықтай әсер ететінін түсінеміз және біз оларды хабардар ету үшін қолдан келгеннің бәрін жасаймыз, — делінген мәлімдемеде.

Тоқтатылған рейстердегі жолаушыларға жеке хабарланады. Оларға әуе компаниясының ресми сайты арқылы сапар күндерін өзгерту немесе ақшаны қайтаруды сұрау мүмкіндігі ұсынылады.

KLM компаниясы жағдайды мұқият бақылауды жалғастыратынын және тиісті органдармен байланыста екенін қосты.

Бұған дейін әлемдік әуе тасымалдаушылары Иран төңірегіндегі қақтығыс аясында авиаотын бағасының күрт өсуінен зардап шеге бастағаны туралы жаздық. Бұл жағдай әуе билеттерінің қымбаттауына, бағыттардың қысқаруына және рейс кестесінің бұзылуына әкеліп соқты.

Иранға қарсы соққылар басталғаннан бері авиациялық жанармай бағасы Еуропада екі есеге, ал Азияда 80 пайызға өсті. Отын авиакомпаниялар үшін жұмыстан кейінгі екінші үлкен шығын болып қала береді, ол операциялық шығындардың төрттен бір бөлігін құрайды.

Естеріңізге сала кетейік, 28 ақпанда АҚШ пен Израиль Иранға қарсы операция бастаған болатын. Ақ үй Ираннан зымырандық және ядролық қауіп төніп тұрғанын жариялады.