«Көкшетау су арнасы» өткен жылда барлық борыштарынан арылып, жаңа жылды табыспен бастады - Ақмола облысы

КӨКШЕТАУ. 20 қаңтар. ҚазАқпарат /Жанмұрат Жанайдаров/ - «Көкшетау су арнасы» мемлекеттік мекеме ұжымы өткен жылдарда қордаланып қалған борыштарынан арылып, жаңа жылды қомақты табыспен қарсы алып отыр. Бұл туралы кәсіпорын ұжымының кезекті жиынында атап көрсетілді.

Мекеме басшысы Бақытжан Ахметовтың айтуынша, бүгінде қала аумағында 327 шақырым су құбыры, 270 шақырым кәріздік желі, 270 суағардың жұмысы бірқалыпқа келтірілген.

Өткен жыл ішінде Қызыл жар, Көкшетау-П, қала шетіндегі станса аумағында су құбырлары жаңартылып, жаңа суағарлар орнатылған. Жыл ішінде түскен пайда 50 пайызға артып, соның есебінен арнайы техникалық жабдықтар сатып алынып, озық технологиялық қондырғылармен қамтамасыз етілді.