Көкшетауда сотталғандар тарихи қойылым қойып, саяси қуғын-сүргін құрбандарын еске алды (ФОТО)

КӨКШЕТАУ. ҚазАқпарат - Көкшетауда сотталғандар тарихи қойылым қойып, саяси қуғын-сүргін құрбандарын еске алды.

Бұл туралы Ақмола облысы бойынша қылмыстық атқару жүйесі департаментінің тәрбие жөніндегі бөлімінің басшысы Гүлнәр Усманова айтты.

Оның айтуынша Көкшетау қалалық ауруханасында өткен шараға ЕЦ 166/24 түзету мекемесінде (қоныс колониясы) жазасын өтеушілер қатысты. Тарихи қойылымда сотталушылар сол зұлмат жылдарындағы қайын қасыретті шынайы көрсете білді.

«Бастапқы да көрермендер сахнада сотталғандар емес, кәсіби әртістер деп ойылап қалды. Сотталғандар саяси қуғын-сүргін жылдарындағы жағдайды аса бір шеберлікпен жеткізе алды», дейді Гүлнәр Усманова.

Еске сала кетейік, осындай тарихи қойылым онкологиялық диспансер, қариялар мен мүгедектер үйі және 5510 әскери бөлімінде де көрсетілді.