Көкшетауда жарылғыш зат қойылды деген хабарға байланысты көпқабатты тұрғын үйден 26 адам қауіпсіз жерге көшірілді

ҚР ТЖМ-ның таратқан ақпаратына сәйкес, кеше, қыркүйектің 30-ы күні сағат 21.07-де Ақмола облысы бойынша Төтенше жағдайлар департаментінің кезекші бөліміне қоңырау шалынып, Елемесов көшесі, 67 мекен-жайында орналасқан тұрғын үйдің пәтерлерінің біріне жарылғыш зат қойылғандығы туралы хабарлады.

Төтенше жағдайды жою үшін мекен-жай бойынша шұғыл әрекет ету қызметінің 30 адамы мен 6 техникасы дереу жетті. Бірақ арнайы іс-шаралардан кейін жарылғыш зат табылмады.