Көкжайлау аумағында жарақат алған турист қыз ауруханаға жеткізілді
АСТАНА. KAZINFORM – Бүгін Алматы қалалық төтенше жағдайлар департаментінің «112» пультіне Медеу ауданындағы Көкжайлау» таулы аймағында болған оқиға туралы хабарлама түсті.
Мәліметке сәйкес, төрт адамнан құралған туристік топ құрамында жүрген 18 жастағы қыз аяғын жарақаттап алған. Осыған байланысты құтқару қызметі шұғыл түрде оқиға орнына жіберілді.
- Жаяу көтерілу жолы бір сағаттан астам уақытты алып, тік таулы беткейлермен, күрделі ауа райы жағдайында және тәуліктің қараңғы уақытында жүзеге асырылған, - деп жазды ТЖМ-нан.
Құтқару және тасымалдау жұмыстары барысында Апаттар медицинасы орталығының қызметкерлері зардап шеккен қызға алғашқы медициналық көмек көрсетті. Кейін турист қыз ауруханаға жеткізіліп, медициналық мекемеге жатқызылды.
Айта кетейік, шетелдік турист Алматы тауларынан зембілмен түсірілді.
