Көлік министрлігі CRJ-200 ұшағының апатқа ұшырау себебін тексеретін комиссия құрды

Оған көлік вице-министрі Азат Бектұров төрағалық етеді. Бұл туралы ҚР Президенті жанындағы Орталық коммуникациялар орталығы хабарлады.

Комиссия құрамына Мемлекетаралық авиациялық комитеттің тәуелсіз сарапшылары, ұшаққа соңғы техникалық қызмет көрсеткен «Сибирь-Техникс» авиациялық техникалық орталығының мамандары енді.

Авиациялық оқиғаны тексеруге әуе кемесін жасап шығарған «Бомбардье» корпорациясының да мамандарын қатыстыру туралы консультация жүргізілуде.

Комиссия ұшу, техникалық және әкімшілік жөніндегі кіші комиссиялардан тұрады.