Көлік және коммуникация министрлігі: Алматы - Қорғас автожолын қайта салу жобасы бойынша үміткерлер аталды
Онда Алматы - Қорғас телімін қайта салу және пайдалану жобасын жүзеге асыру үшін концессионерді таңдау бойынша конкурсқа қатысушылардың конверттерін ашу рәсімі өткізілді, деп хабарлайды ҚазАқпарат министрліктің баспасөз қызметіне сілтеме жасап.
Анықтама: Телімнің ұзақтығы - 301 км, техникалық-экономикалық негіздемеге сәйкес құрылыстың құны - 169 млрд. теңге. Қайта салу барысында аталған жол телімін 4 жолақты қозғалыспен 1 техникалық категорияға ауыстыру жоспарлануда.
Отырысты ашқан ҚР көлік және коммуникация министрі Әбілғазы Құсайынов аталған телімнің «Батыс Европа - Батыс Қытай» халықаралық дәлізінің құрамдас бөлігі болып табылатындығын, сондықтан оның жүзеге асырылуы айрықша бақылауда болатындығын атап өтті.
Конкурстық өтінімдерді ашу сәтінде екі үміткер анықталды - Көпірлер мен жолдарды салу жөніндегі қытайлық корпорация (CRBC) және италияндық «Импреджило» компаниясы (Impregilo S.p.A).