Көлік министрлігінде Отан қорғаушылар күніне орай сала қызметкерлері марапатталды
АСТАНА. KAZINFORM — Отан қорғаушылар күні қарсаңында Қазақстан Республикасы Көлік министрлігінде көлік саласының дамуына елеулі үлес қосқан мамандар құрметке ие болды.
Министрліктің баспасөз қызметі таратқан ақпаратқа сәйкес салтанатты рәсім барысында сала қызметкерлері мен озық мамандарға «Үздік автокөлікші» және «Үздік жолшы» төсбелгілері, сондай-ақ Құрмет грамоталары табысталды.
— Марапаттар көпжылдық кәсіби шеберлігі, адал еңбегі, көлік инфрақұрылымын дамытуға қосқан маңызды үлесі, сондай-ақ жоғары нәтижелері мен белсенді кәсіби қызметі үшін берілді, — делінген хабарламада.
Осыған дейін бүгін Ақордада Отан қорғаушы күніне орай мерекелік іс-шара өтетінін жаздық.
