Командасы Чемпиондар лигасында жеңіске жеткен «Реал» футболшысы шашын тықырлап алып тастады

АСТАНА. ҚазАқпарат - «Реал» қорғаушысы Марсело «Ювентуспен» өткен Чемпиондар лигасының финалдық матчы аяқталғаннан кейін өзінің командадағы әріптесі Карлос Каземироның шашын тықырлап алып тастады.

Каземиро командасы турнирде жеңіске жеткеннен кейін шашын алып тастауға уәде еткен, енді сол уәдесін орындаған.

Бұрын хабарланғандай, «Реал» Чемпиондар лигасының финалында «Ювентусты» ойсырата жеңді. Каземиро Джанлуиджи Буффонның қақпасына салған төрт голдың бірінің авторы атанды.