Конькиші Екатерина Айдова АҚШ-та өткен әлем чемпионатында жаңа рекордқа қол жеткізді
ҚАРАҒАНДЫ. 28 қаңтар. ҚазАқпарат - Қарағандылық Екатерина Айдова АҚШ-тың Солт-Лейк-Сити қаласындағы коньки тебу спортынан спринтерлік көпсайыс бойынша әлем чемпионатына қатысты, деп хабарлайды Қарағанды облыстық туризм, денешынықтыру және спорт басқармасының баспасөз қызметінен.
Е.Айдова Қазақстан құрамасының атынан шықты. «500 м. аралығында Е.Айдова 38,05 нәтижесімен 21-ші орыннан көрінді, 1000 м. аралығында 1,14,95 нәтижесімен 16-шы болып келіп, Қазақстанның жаңа рекордына қол жеткізді», - деп атап өтілді хабарламада.
Спортшыны Қарағанды облысының аға жаттықтырушысы Сергей Лоскутников дайындады.
