Копенгагенде БҰҰ конференциясы өз жұмысын аяқтады
деп хабарлайды ИТАР-ТАСС агенттігі.
Тарихтағы ең алқалы халықаралық климаттық форумға БҰҰ-ға мүше 193 елдің өкілдері қатысты. Форумды қорытындылауы тиіс АҚШ, Қытай, Үндістан, Оңтүстік Африка Республикасы және Бразилия елдерінің басшылары әзірлеген «Копенгаген келісімі» мақұлданған жоқ, дегенмен, конференцияға қатысушылар ол құжатты назарларына алды.
Бұл құжатта 2010-2012 жылдары дамушы елдерге 30 миллиард доллар көлемінде «жедел көмек» беру, сондай-ақ 2020 жылға дейін жыл сайын тағы 100 миллиард доллардан беру мәселелері қарастырылады, бірақ зиянды газ қалдықтарының шығарылуын қысқарту саласында ешқандай нақты міндеттер қойылмайды.
Ал форумның соңында сөз сөйлеген оңтүстікафрикалық делегат, жарты жылдан кейін Бонн қаласында өтетін жаңа климаттық конференцияның Оңтүстік Африка Республикасында маусымның 11-і мен шілденің 11-і аралығында өтетін футболдан Әлем чемпионатымен қатар келіп қалмауын өтінді.