Қорғаныс министрлігінде Қарулы Күштерде әскери ғылымды 2020 жылға дейін дамыту стратегиясының жобасы қаралды

Бұл стратегия әскери ғылымды одан әрі дамыту басымдықтарын айқындап, оны жүзеге асыру шараларын қарастырады.

Аталған іс-шараға Қорғаныс министрлігі және Штабтар бастықтары комитеті құрылымдық бөлімшелерінің, ҚР ҚМ ғылыми мекемелерінің бастықтары, сондай-ақ әскери ғылым саласындағы елімізге танымал ғалымдар қатысты.

Кеңес барысында Қарулы Күштердегі әскери ғылымды дамыту бойынша жүргізілген іс-шараларға нақты баға берілді. Сондай-ақ, әскери ғылым жүйесіндегі жаңа үрдістер талданып, оны Қарулы Күштерде 2020 жылға дейін әр түрлі бағыттар бойынша дамыту ұсынымы жасалды.