Қостанай әлеуметтік-техникалық университетінің студенттері қосымша мемлекеттік білім гранттарын алды
ҚОСТАНАЙ. Сәуірдің 8-і. ҚазАқпарат /Петр Плахотников/ - Зұлқарнай Алдамжаров атындағы Қостанай әлеуметтік-техникалық университетінің 54 үздік студенті қосымша мемлекеттік білім гранттарын алды,
деп хабарлайды ҚазАқпарат тілшісі.Бұл туралы Елбасы Жолдауындағы басымдықты бағыттарды түсіндіруге арналған университет ұжымының жиналысында белгілі болды. Оқытушылар мен студенттер бұл құжатты қолдай отырып, өз пікірлерін білдірді. Онда сөз алғандар Үкіметтің дағдарысқа қарсы шараларды жүзеге асыру жолдарының дер кезінде қабылданғанын атап өтті, мемлекеттің студенттерді қолдау жөніндегі бастамаларына ризашылықтарын білдірді. З.Алдамжаров атындағы Қостанай әлеуметтік-техникалық университеті 25 техникалық және педагогикалық мамандықтар бойынша кадрлар даярлайды.
