Қостанай колледжінің директоры пара алғаны үшін 3 млн. теңге айыппұл төлейді
АСТАНА. ҚазАқпарат - Бүгін Қостанай қ. №2 сотта ҚР ҚК 366-бабы 2-бөлімі (пара алу) бойынша қылмыс жасаған «Қостанай құрылыс-техникалық колледжі» КМҚК бұрынғы директоры Е. Сұрағановқа қатысты үкім шықты.
«Қылмыстық іс қысқартылған тәртіпте қаралды. КМҚК директоры лауазымын атқарған кезде Сұрағановта колледждің қызметкерлерін қабылдауға және жұмыстан шығаруға құқығы болды. Колледж директоры азаматша В-ны өндірістік оқыту шебері лауазымына тағайындау туралы бұйрыққа қол қойған. Осы қызметі үшін ол 50 мың теңге пара алған. Сот оған параның 60 есе сомасы көлемінде айыппұл төлеу жазасын тағайындады, бұл 3 000 000 (үш миллион) теңгені құрады, сондай-ақ ол мүлкі тәркіленіп, өмір бойы мемлекеттік қызметте жұмыс істеу құқығынан айырылады», - деп хабарлады Қостанай облыстық соты баспасөз қызметінен.
ҚР ҚК 41-бабы 3-бөліміне сәйкес қылмыс жасағаны үшін тағайындалған айыппұлды төлеуден жалтарған жағдайда, ол ҚР ҚК 366-бабы 2-бөлімі санкциясының шегінде 3-тен 7 жылға дейін бас бостандығынан айыру жазасымен ауыстырылады.
Үкім заңды күшіне енген жоқ.
