Қостанай облысындағы дала өрті сөндірілді

ҚОСТАНАЙ. KAZINFORM – Қостанай облысына қарасты Әулиекөл ауданымен шекаралас Б.Майлина ауданы даласындағы өрт толығымен сөндірілді. 

Қостанай облысының әкімдігі өрттің «Басаман орман шаруашылығы» мемлекеттік орман қорының аумағына таралуын болдырмау мақсатында оның шекарасындағы аумақта қосымша жер жырту жұмыстары жүргізілгенін хабарлады. 

Орман қоры шекарасындағы жұмыстарға Басаман және Семиозерный орман шаруашылығы кәсіпорындарынан 24 бірлік техника мен 38 адам жұмылдырылды. 

Дала өртін сөндіруге Төтенше жағдайлар департаменті мен жергілікті атқарушы органдардан да 10 бірлік техника мен 50 адам атсалысты. 

Бұған дейін Қостанай облысында табиғи өртті сөндіру жұмыстары жалғасып жатқанын жазған едік.