Қостанайда колледж директоры пара алды деп айыпталды

АСТАНА. ҚазАқпарат - Қостанай қаласының №2 сотының қарауына пара алды деп айыпталған 54 жастағы азаматқа қатысты қылмыстық іс түсті, деп хабарлайды облыстық соттың баспасөз қызметінен.

Іс материалдары бойынша, Қостанай құрылыс-техникалық колледжінің директоры ретінде лауазымды қызмет атқарған С. оқу орнының қызметкерлерін жұмысқа қабылдау және жұмыстан шығару құқығына ие болған.

Колледж директоры азамат В.-ны өндірістік оқыту бойынша шебер ретінде жұмысқа алу туралы бұйрыққа қол қойып, өзінің қызметі үшін 50 мың теңге пара алған.

Осылайша, С. ҚР ҚК-нің 366-бабының 2-бөлімімен (пара алу) қарастырылған қылмыстық істі жасаған.

Іс бойынша басты сот отырысы 19 қазанға тағайындалған.