Қостанайда науқастың шабуылынан зардап шеккен дәрігердің аты-жөні белгілі болды

ҚОСТАНАЙ.KAZINFORM - Қостанай облысының прокуратурасы күдіктіге қатысты процестік мәжбүрлеу шаралары қабылданғанын хабарлады. Ол ҚР Қылмыстық-процестік кодексінің 128-бабы бойынша ұсталды.

Қазір қамауда ұстау түріндегі бұлтартпау шарасын таңдау мәселесі шешіліп жатыр. Бұл шара тек соттың санкциясымен қолданылуы мүмкін.

Сондай-ақ 34 жастағы хирург-уролог Антон Кистанов зардап шеккен дәрігер екені белгілі болды. Қостанай облыстық ауруханасының баспасөз қызметі оның мекемеде алты жыл жұмыс істегенін және ондаған адамның өмірін сақтап қалғанын айтты.

- Отбасының рұқсатымен Қостанай облыстық ауруханасының қабылдау бөлмесінде болған шабуыл салдарынан зардап шеккен дәрігердің аты-жөні белгілі болды. Қазір ол ауыр жағдайда жансақтау бөлімінде. Ол өз өмірі үшін күресіп жатыр. Үйінде оны жас жұбайы мен жаңа туған қызы күтіп отыр, - деп хабарлады ведомстводан.

Айта кетейік, Қостанай облыстық ауруханасының жедел жәрдем бөлмесінде тексеру кезінде науқас хирургке шабуыл жасады. Дәрігер жансақтау бөліміне жатқызылды.

Облыстық аурухананың баспасөз қызметі кезекті операцияны аяқтаған дәрігер кезекте тұрған науқастарды қарау үшін жедел жәрдем бөлмесіне түскен.

Кезегін күтіп тұрған науқастардың бірі жанжал шығарған. Алдын ала мәлімет бойынша, үшінші кезекте тұрған ер адам дәрігерге шабуыл жасап, соққыға жыққан. Содан кейін дәрігер есін жоғалтқан. Ол ауыр халде жансақтау бөліміне жатқызылды.

Оқиға орнында полиция қызметкерлері келді.