Қостанайдағы автоХҚО-да көлік жанып кетті

ҚОСТАНАЙ. ҚазАқпарат - Қостанай облысының мамандандырылған Халыққа қызмет көрсету орталығының аумағында көлік жанып кетті, деп хабарлайды ҚазАқпарат Kostanaynews-ке сілтеме жасап.

Облыстық Төтенше жағдайлар департаментінің мәліметінше, автоХҚО аумағында ВАЗ маркалы көлік жанып кетті.

Өрт шыққан жерге екі техника мен жеке құрамның алты адамынан құралған Қостанай ӨБ-6 қызметкерлері аттанды.

Жалын бес шаршы метр аумаққа тарады. Тілсіз жау туралы хабар сағат 09:08-де түсіп, ол 09:28-де сөндірілді.

Қаза тапқандар мен зардап шеккендер жоқ.