ҚР бірінші вице-премьері облыс әкімдіктеріне 15 маусымға дейін ЭДСМ-ге моноқалаларды дамыту жоспарларының жобасын ұсынуды тапсырды
ТЕМІРТАУ. 14 мамыр. ҚазАқпарат - Бірінші вице-премьер Серік Ахметов облыс әкімдіктеріне 15 маусымға дейін келісу үшін Экономикалық даму және сауда министрлігіне әр шағын қаланы дамытудың кешенді жоспарларының жобаларын ұсынуды тапсырды.
Мұндай тапсырманы ол бүгін Теміртауда өткен моноқалаларды дамыту мәселелері бойынша республикалық семинар-кеңесте берді.
«Облыс әкімдіктері 15 маусымға дейін әр шағын қаланы дамытудың кешенді жоспарын келісу үшін Экономикалық даму және сауда министрлігіне ұсынсын. Комиссияда біз бұл жобаны қарастыратын боламыз, әкімдер оларды қорғайды», - деді С. Ахметов.
Өз кезегінде Экономикалық даму және сауда министрлігі осы жылдың 1 шілдесіне дейін облыс әкімдіктеріне кешенді жоспарлардың жобаларына қатысты ескертпелерін жолдап, мемлекеттік қолдау білдіру үшін инвестициялық жобаларды конкурстық негізде іріктеп алуы тиіс.
