ҚР Қаржы министрі Үкіметке ӘКК активтерін жергілікті органдарға берудің егжей-тегжейлі шараларын ұсынды
АСТАНА. Ақпанның 18-і. ҚазАқпарат - Бүгін Үкімет үйінде Қазақстан Республикасының Премьер-Министрі Кәрім Мәсімов орталық және жергілікті атқарушы органдардың, ӘКК өкілдерінің қатысуымен әлеуметтік-кәсіпкерлік корпорацияларды одан әрі дамыту мәселелері бойынша кеңес өткізді,
деп хабарлады Үкімет басшысының баспасөз қызметі.
Кеңесте ҚР Қаржы министрі Болат Жәмішев ведомствоаралық комиссияның жұмысы туралы баяндады және ӘКК активтерін жергілікті атқарушы органдарға берудің егжей-тегжейлі шараларын ұсынды. Бұл қадам Мемлекет басшысының жеделдете индустриялық-инновациялық дамыту бағдарламасын жүзеге асыру жөніндегі алға қойған жаңа міндеттері ескеріле отырып, әкімшілік реформалар ауқымында жасалды.
Талқылау қорытындысы бойынша Премьер-Министр айтылған ескертпелер мен ұсыныстарды ескере отырып жұмысты жалғастыруға, сондай-ақ ӘКК-лерді бизнесті дамыту жөніндегі аймақтық корпорациялар етіп қайта құру үдерісін шапшаңдатуға тапсырма берді.
