ҚР-ның 2011-2015 жылдарға арналған Сыбайлас жемқорлыққа қарсы күрес жөніндегі салалық бағдарламасының жобасы қаралды
АСТАНА. 17 наурыз. ҚазАқпарат - Бүгін ҚР Премьер-Министрі Кәрім Мәсімов 2011-2015 жылдарға арналған Қазақстан Республикасындағы Сыбайлас жемқорлыққа қарсы күрес жөніндегі салалық бағдарламаның жобасы қаралған кеңес өткізді.
Бұл туралы ҚР Үкімет басшысының баспасөз қызметі хабарлады.
Бағдарламаны талқылауға орталық атқарушы органдар басшылары, «Нұр Отан» Халықтық-демократиялық партиясы жанындағы сыбайлас жемқорлыққа қарсы күрес жөніндегі республикалық қоғамдық кеңестің төрағасы Оралбай Әбдікәрімов, ҚР Парламентінің депутаттары, Мемлекеттік қызмет істері жөніндегі агенттіктің, Бас прокуратураның және басқаларының өкілдері қатысты.
