ҚР Премьер-Министрі Италиядағы пойыздардың соқтығысынан қаза тапқан жолаушыларға байланысты, көңіл айтты

АСТАНА. ҚазАқпарат - ҚР Премьер-Министрі Кәрім Мәсімов Италиядағы пойыздардың соқтығысынан қаза тапқан жолаушыларға байланысты қайғыға ортақтасып, көңіл айтты.

«Италия Премьер-Министрі Матео Ренци мен қазақ тапқан жолаушылардың туыстарына қолдау білдіріп, қайғыра көңіл айтамын», - деп жазды К.Мәсімов өз твиттерінде.

Еске сала кетейік, күнделікті 200 пойыз өтетін Италияның ауқымды темір жолында пойыздар соқтығысы орын алды. Соңғы ақпараттар бойынша, екі жолаушылар пойызынан 25-ке жуық адам мерт болған, ондаған адам жарақат алды. Көпшілігінің жағдайы ауыр.

Соқтығыстың себебі әлі анықталған жоқ. Итальяндық тергеу органдары адам факторы әсер етуі мүмкін деп болжам жасауда.