ҚР Премьер-Министрінің бірінші орынбасары-Өңірлік даму министрі жұмыс сапарымен БҚО-ға келді
ОРАЛ. 15 наурыз. ҚазАқпарат - Бүгін ҚР Премьер-Министрінің бірінші орынбасары - Өңірлік даму министрі Бақытжан Сағынтаев жұмыс сапарымен Батыс Қазақстан облысына келді.
Облыс әкімінің баспасөз қызметінен түскен мәліметке қарағанда, Б.Сағынтаев алдымен Орал қаласы Зачаган кентіндегі көпқабатты тұрғын үйлердің құрылысымен таныспақ.
Үкімет басшысының бірінші орынбасары сондай-ақ, өңірдегі су тасқынына қарсы дайындық барысын бақылап, бірқатар әлеуметтік, өндірістік нысандарда болады.
Облыс әкімдігінде ҚР Премьер-Министрінің бірінші орынбасары - Өңірлік даму министрінің қатысуымен өтетін кеңесте облыстың су тасқынына әзірлігі, көліктік инфрақұрылымның даму болашағы және басқа да өзекті мәселелер талқыланбақшы.
