ҚР Президентінің Протокол қызметі консультантының міндетін атқарушы тағайындалды

АСТАНА. KAZINFORM – Лейля Гимранова Қазақстан Республикасының Президенті Әкімшілігі Қазақстан Республикасы Президентінің Протокол қызметі консультантының міндетін атқарушы лауазымына тағайындалды.

Бұл туралы ҚР Мемлекеттік қызмет істері агенттігінің баспасөз қызметінен хабарланды.

Лейля Қазақстан-Британ техникалық университеті және Қазтұтынуодағы Қарағанды университетінің түлегі. 2023 жылғы Президенттік жастар кадр резервінің мүшесі.

Аталған лауазымға тағайындалғанға дейін «Kazakh Invest» Ұлттық компаниясының» Жобалар департаменті директорының орынбасары қызметін атқарған.