ҚР Президенттігіне кандидат Жамбыл Ахметбеков Шымкенттегі Қарттар үйінің тұрғындарымен кездесті
АСТАНА. 24 наурыз. ҚазАқпарат - ҚР Президенттігінен кандидат Жамбыл Ахметбеков 23 наурызда Шымкенттегі Қарттар мен мүгедектер үйінде болып,
осында тіршілік кешіп жатқан жандармен кездесті, деп хабарлайды кандидаттың баспасөз қызметі.
Қарттар мен мүгедектер үйінде қазіргі күні 256 адам тұрып жатыр. Әңгіме барысында олар кандидатқа алдағы сайлауда табыс тілеп, өз баталарын берді. Кандидат келуіне орай дастархан жайып, өздерінің шығармашылық туындыларын сыйға тартты.
