ҚР Үкіметі Арқалық қаласын түлетуге ресурстар бөледі - К.Мәсімов

ҚОСТАНАЙ. Шілденің 9-ы. ҚазАқпарат /Қанат Құлшыманов/ - Ел Президенті Нұрсұлтан Назарбаевтың тапсырмасына сәйкес Қазақстан Үкіметі Қостанай облысының Арқалық қаласын түлету үшін қаржылай ресурстар бөледі. Бұл туралы бүгін Арқалық қаласында өткізілген баспасөз мәслихатында ҚР Премьер-Министрі Кәрім Мәсімов хабарлады.

«Арқалықта шешімін күткен мәселелер көп. Облыс әкімінде Арқалықты түлетуге, жаңа өндіріс орындары мен жұмыс орындарын ашуға арналған нақты бағдарлама да бар. Менің ойымша, бұл жаман емес», - деді Премьер-Министр.

ҚР Министрлер Кабинетінің басшысы атап өткендей, қазіргі күні Арқалық қысқы кезеңге дайындалу үшін Үкіметтен көмек күтіп отырғаны, Елбасы осы шешімге келгенін атап өтті. «Біз бұл тапсырманы орындаймыз, қажетті қаржыны бөлеміз», - деп атап өтті К.Мәсімов.

Арқалық қаласының негізі 1965 жылы салынған, жалпы жер аумағы 15,6 мың шаршы метр. 2010 жылғы сәуірдің 1-іне шаққанда бұл жерде 40,7 мың тұрғын бар.