ҚР Үкіметі шикі мұнай мен мұнай өнімдерінің экспортына кедендік баж салығын бекітті
АСТАНА. Шілденің 13-і. ҚазАқпарат /Руслан Ғаббасов/ - ҚР Үкіметі шикі мұнай мен мұнай өнімдерінің экспортына кедендік баж салығын бекітті.
Бүгін Үкімет отырысында сәйкес қаулыны Экономикалық даму және сауда вице-министрі Марат Құсайынов таныстырды.
«Қаулының жобасында мұнай өнімдерінің экспортына кедендік баж салығының ставкаларына баса назар аударылған. Мәселен, мұнай өнімдерінің ашық түсті түрлеріне баж салығы - 99,71 долларды, ал қара түсті түрлеріне 66,47 долларды құрайды», - деді вице-министр.
М.Құсайыновтың сөзіне қарағанда, аталған қаулыда шикі мұнайдың бір тоннасына 20 доллар көлемінде экспорттық кедендік баж салығын белгілеу қарастырылған.
