«Криосат-2» еуропалық ғарыштық аппаратын «Байқоңыр» ғарыш айлағынан ұшыру кейінге қалдырылды
БАЙҚОҢЫР. Ақпанның 19-ы. ҚазАқпарат /Сара Қабиқызы/ - Ақпанның 25-іне жоспарланған «Криосат-2» ғарыштық аппараты бар «Днепр» конверсиялық бағдарлама бойынша РС-20 зымыранын ұшыру кейінге қалдырылды,
деп хабарлады Ресейғарыш баспасөз қызметі.
Бұл ақпаратты біздің тілшімізге ҚР Ұлттық ғарыш агенттігінде растады. «Оңтүстік» ғарыш орталығының өкілдері Қазғарыш агенттігіне хабарлағанындай, «Криосат-2» ғарыштық аппаратын ұшыру шетелдік тапсырыс берушінің өтініші бойынша қосымша техникалық жұмыстар жүргізу қажеттілігіне орай кейінге қалдырылған.
