Кукушкин Мадридтегі жарыстың екінші кезеңіне өте алмады

АСТАНА. ҚазАқпарат - Қазақстандық теннисші Михаил Кукушкин сыйлық қоры $6 млн болатын танымал АТР турнирінің екінші кезеңіне шыға алмады, деп хабарлайды «ҚазАқпарат» ХАА.

Бірінші раундтың матчында Кукушкин корт иесі Давид Феррерге қарсы шықты. Қазақстандық матчты өте сәтті бастады және алғашқы сет 6:2 есебімен аяқталып, жерлесіміз сенімді жеңіске жетті.

Екінші партияда теннисшілер жарысты тай-брейкке дейін жеткізіп, онда Феррердің бағы жанды. Үшінші, шешуші сетте испандық тағы да басымдық танытып, қорытынды есеп: 2:6, 7:6, 6:4 болды. Жеңіс Феррердің қоржынында.