Құрбан айт мейрамында Маңғыстауда тұңғыш медресе ашылды

АҚТАУ. Қарашаның 30-ы. ҚазАқпарат /Анаргүл Төлегенова/ - Құрбан айт мейрамында  Маңғыстауда алғаш рет медресе ашылды,

деп хабарлайды ҚазАқпарат тілшісі. 

Медресенің ашылу салтанаты Құрбан айттың алғашқы күні өтті. 

Діни курс ер адамдарға арналған. Онда  30-ға жуық адам қабылданбақ. Оқу мерзімі - 6 ай.

«Медресе Қазақстанның Діни басқармасының қолдауымен ашылып отыр. Мұнда Ислам университеттері секілді жоғарғы оқу орындарына дайындайды. Араб тілі, Құран Кәримді үйрену, Ислам негіздерінен сабақтар жүргізіледі»,-  дейді Маңғыстау облыстық Бекет Ата мешітінің бас имамы Тілепберген Алламжарұлы.