Құрылыс материалдарын шығаруда жоғары әлеуетіміз бар - Қарағанды облысындағы ҰКП директоры М. Божбанов

АСТАНА. ҚазАқпарат - ОКҚ-ның көшпелі брифингінде сөз сөйлеген Қарағанды облысындағы Ұлттық кәсіпкерлер палатасының директоры Мәдениет Божбанов аймақтық компаниялардың сапалы өнімді шығарып, құрылыс материалдарын өндіруде жоғары әлеуеті бар екенін атап өтті.

«Құрылыс материалдарын шығаруда жоғары әлеуетіміздің бар екенін айтып өту керек. Осылайша, ағымдағы жылдың ішінде облыстағы құрылыс өнеркәсібінің кәсіпорындары 28 млрд. теңгені құрайтын өнімді шығарды. Аталған салада 150- астам кәсіпорын қызмет етуде», - деді ол.

Бұдан басқа, ЭКСПО Халықаралық көрмесін өткізу барысында сервистік қызметтерді көрсету үшін Палата қонақүйлер мен мейрамханалар көрсетіп отырған шағын және орта бизнес қызметтерінің сапасын арттыру бойынша шараларды өткізуде.